Manalig Ka

ang sarap sa pakiramdam na alam mong hindi ka nag-iisa, nasaan ka man, ano man ang iyong pinagdadaanan, ang kanyang pagkalinga ay para sa iyo, para sa akin at para sa ating lahat na NANANALIG sa kanya. kaya MANALIG KA.

BINHI

"Nagbunga nang masagana , binhi sa mabuting lupa." ito ang mensahe na nakapaloob sa salmong tugunan sa banal na eukaristiya sa linggong ito. Habang inaawit ito, nararamdaman ko ang mensahe sa bawat salita nito. Mensaheng hindi lamang para sa akin kundi para sa lahat na naniniwala kay kristo.Ang sabi ng pari sa kanyang homiliya, ang "salita ng diyos ay parang tabak, nakakasugat at nakakasakit, ngunit sa dulo nito ay matututo tayo sa oras na maghilom ang sugat na dulot ng tabak". 

Sa aking linggo-linggong pagsimba, isa ang linggong ito sa hindi ko makakalimutan, dito ko naramdaman at natuklasan ang mga mensahe ng diyos para sa akin, at ang araw na ito din ang patuloy na nagmumulat sa aking mga mithiin sa buhay, sa araw na ito, maraming bagay ang nagbibigay sa akin ng inspirasyon upang patuloy na maglakbay. Gaya ng mensahe ng salmo, ang binhi ay ang salita ng diyos, ito ay ipupunla sa ating mga puso at inaasahang ito ay lalago. 

Kaya naman naitanong ko sa aking sarili, namumunga ba ako na parang isang binhi na nalaglag sa isang mataba at masaganang lupa o baka naman sa isang batuhan lamang na hindi magtatagal ay malalanta din dahil hindi masagana ang lupa. Sa ngayon hindi ko masabi kung  ako ay hitik na sa bunga at masaganang lumalago, ngunit alam ko sa patuloy na gabay ni kristo, nakasisiguro ako nasa mabuting lupa ako at hindi magtatagal mamumunga din ako kagaya ng isang puno ng manggang hitik sa bunga.

Ikaw kapatid kailan ka mamumunga at lalago mula sa binhi ni kristo?

Mapagpalang linggo mga kapatid. mabuhay tayo kahit mahirap, magsaya tayo kahit malungkot, magbuhat tayo kahit mabigat, at mamunga tayo gaya ng isang puno ng mangga, sa tulong ni hesus, tayo ay lumago.

Hanggang Kailan ? Paano si JUAN?

Ang ating administrasyon ay ganap nang nagpalit

At inaasahang daang matuwid ay makakamit

Na sa nagdaang liferato ay naiwaglit

Dahil pilipinas ay nagipit, o ginipit?

Masayang isipin na tayo'y nakalaya na sa kahapon

Ngunit ang reyalidad ay patuloy na bumabangon 

Na ang kahapon ay dala pa rin natin ngayon

Na dapat sana'y wala na sa ngayon

Mga problema ng bansa na sana man lang ay naibsan, kahit hindi nabawasan

Nariyan si Arroyo, na ang pagkapangulo ay ni-negosyo

Na ipinangako ni P-noy , pagbabayarin ito

Isang taon na ang lumipas, ngunit bakit si arroyo laman pa rin ng kongreso?

Sa ni P-noy "kayo ang boss ko"

Ngunit tanong ng marami, totoo nga ba ito? o isa lamang konsepto na aasahan ng mga tao?

Sigaw naman ng marami, Nasaan na ang pagbabago mula sa nakaraang liderato?

Hindi kaya nahithit niya na ito, kasama ng kanyang tabako?

Sabi naman ng iba, P-noy wag husgahan

Dahil isang taon palang ang nakakaraan

Mga balakin ni P-noy ating abangan

Ngunit ang tanong "hanggang kailan"?

K-12 na panukala ni P-noy 

Solusyon daw sa kahirapan ng pinoy.

Tama naman, edukasyon ang susi sa kaunlaran

Ngunit sabi ni Juan, "akoy magsasaka lang , wala akong paghuhugutan"

Kabi-kabilang problema at isyu ating kinasangkutan

Nariyan ang pagbihag at pagpatay ni mendoza sa mga tsinong dayuhan

Kaya naman ngayon tsina at pilipinas may hidwaan

Isa pa diyan ang Spratlys na pinagaagawan

Kaya't muling tanong ni juan, "P-noy anong plano mo sa mga pinoy?"

Pangakong daang matuwid, sadya kayang makakamit?

Hindi kailangan ni juan ng puro pangako lamang 

Aksyon at pagbabago, iyan ang kailangan