"Anong sunod kong gagawin?"
Ang pabulong na tanong ko sa aking sarili habang nakatulala at nakatingin sa kawalan na tila ba may naaaninag akong kung ano ngunit ilang minuto pa biglang...
kringggg!!!! kringgg!!! kringggg!!!
tumunog ang aking telepono, may tumatawag pala, dahilan para maputol ang aking pagmumuni. at pinindot ko ang buton at sinabi ng nasa kabilang linya,..
"Nasan ka na? byahe na ko. alas diyes ang appointment natin kay Mr. kupal"
Tinignan ko agad ang relo at noong makita ko na nakatapat ang mahabang kamay sa numerong 8 at ang maliit na kamay naman ay nakatapat sa numerong 10. Agad akong naalimpungatan na tila ba nabuhusan ako ng tubig na nagmula pa sa antartica na pagkalamig-lamig. Agad akong bumalikwas sa aking higaan at kumiripas ng takbo sa palikuran. Ilang minuto lamang ang ginawa kong paglilinis ng aking katawan at agad akong lumabas ng palikuran para magbihis, punas dito punas doon, kuha si brief, si pantalon, si t-shirt at si polo at ihinabol ko pa si sinturon at VIOLA! ready na kong pumasada! saglit lamang akong tumingin sa salamin upang tignan kung pantay ba ang kilay ko at kung may nakaangat bang isang hibla ng buhok ko sa aking anit, pero nalungkot ako dahil halos lahat ng buhok ko nakaangat nga ngunit imbes na kunin si suklay ginamit ko na lamang ang gamit na gamit kong kamay sa napakaraming bagay upang ito ang magsilbing improvised suklay ko habang patakbo akong nagpapa-alam at umalis. maya maya pa nakatanggap ako ng mensahe at sabi..\
"Wer kna? lapit na me"
at agad akong sumagot..
"Byahe na me,"
Pumara agad ako ng bus at agad akong sumakay habang naghahanap ako ng bakanteng upuan ang mga pasaherong prente nang naka-upo ay tila ba kinikilatis kung ako ba ang lalakeng nanghablot ng kanilang mga bag at telepono dahil sa mga titig nila. Hanggang sa nakahanap na ako ng bakanteng upuan
itutuloy....
